Февраль 16-да Сут-Хол кожууннуң Суг-Аксы сумузунда «Александр Ондар» аттыг культура бажынынга чаңгыс чер-чурттуувус, «Дамба-Брайбулинг» хурээзиниң (чонда ады Сут-Хол хүрээзи) Камбы-Лама башкызы Орланмаадыр Когуймаадырович Ондар дөрт ногаан меңгилиг, суг олуттуг, кара Тоолай чылын уткаан Шагаа байырлалын таварыштыр кожууннуң чону-биле чолукшуп, бүгү-ле чүүлдерге экини кузеп чонувустуң хей-аъды, сүлде-сүзүү бедик болзун дээш, ырак-чоокта студентилеривис эки өөредилгелиг болурун, тускайлаттынган шериг операциязында киржип турар оолдарывыс онча- менди тиилелгелиг, кадык-чаагай чанып кээрин йөрээгеш, чаңчыл болган мөргүл-номналын эрттирген.
Кожуун Баштыңы – төлээлекчилер хуралының даргазы Андрей Хертек база Суг-Аксы сумузунуң Баштыңы – төлээлекчилер хуралының даргазы Якир Ондар чангыс-чер чурттуувус «Дамба-Брайбулинг» хурээзиниң Камбы-Лама башкызы Орланмаадыр Когуймаадырович Ондарга «Сут-Хол кожууннуң Хүндүлүг хамаатызы» деп атты чоннуң мурнунга тывыскан. Сут-Хол кожууннуң Камбы-Лама башкызы Гелонг Къялцен Нима башкы-биле чолукшуп, ажыл-ижинге чедиишкиннерни, ак орукту йөрээгеш, ак кадакты сөңнээн.
Кожууннуң бүгү сумуларындан чүдүкчү чонувус хөйү-биле мөргүл- номналга киришкени өөрүнчүг болган.
 |
 |
 |
 |
